ന്യൂഡൽഹി: എഴുത്തുകാരി അരുന്ധതി റോയിയുടെ ‘മദർ മേരി കംസ് ടു മി’ എന്ന പുസ്തകത്തിന്റെ വില്പനയും പ്രചാരണവും നിരോധിക്കണമെന്നാവശ്യപ്പെട്ടു സമർപ്പിച്ച ഹർജി സുപ്രീംകോടതി തള്ളി.
പുസ്തകത്തിന്റെ കവർ പേജിൽ അരുന്ധതി പുക വലിച്ചുകൊണ്ടിരിക്കുന്ന ചിത്രമാണുള്ളതെന്നും പുകവലി പ്രോത്സാഹിപ്പിക്കാൻ പുസ്തകത്തെ ഉപയോഗിച്ചുവെന്നും ചൂണ്ടിക്കാട്ടി അഭിഭാഷകനായ രാജസിംഹൻ സമർപ്പിച്ച പൊതുതാത്പര്യ ഹർജിയാണു ചീഫ് ജസ്റ്റീസ് സൂര്യകാന്ത്, ജസ്റ്റീസ് ജോയ്മല്യ ബാഗ്ചി എന്നിവരടങ്ങി ബെഞ്ച് തള്ളിയത്.
പുകവലിക്കുള്ള പ്രോത്സാഹനമായി കവർഫോട്ടോ കാണരുതെന്ന് പ്രസാധകർ വ്യക്തമാക്കിയിട്ടുണ്ടെന്നും കോടതി ചൂണ്ടിക്കാട്ടി. സമാനഹർജി കേരള ഹൈക്കോടതിയും നേരത്തേ തള്ളിയിരുന്നു.
Deepika
E-paper LOGIN
LOGIN
